Kuwit

Simula na ulit ang panibagong kwento
Panibagong libro, panibagong sipi; siguro
Bagong hamon, bagong lulutasin
Bagong mga tanong na pilit sasagutin
Mga naiwang palaging sasagipin
Mga amoy bago ang lahat
Amoy ng bagongg kwaderno ang kakalat
Bagong silid aralan ang mumunulat.
Amoy pinturang pisara, puting yesong ihahara
Sige heto ikaw naman dito
Magpapakilala, isigaw ang ngalan mo
Ako po si, taga doon sa lugar ng kahirapan
Buhay pilit tinatakasan
Gusto kong makatapos kaya andito
Kaya wag mo akong tatanungin
Kung bakit kuwit ito.
Dahil ang tuldok ay ang syang minimithi ko.