Binange

Tumutulo-tulo ang pawis
Ng mga nilechong mga baboy
Sa lipunang ang pakay lamang
Ay mga yamang dapat ibinabahagi
Sa mga taong silang naapi.
Pinaikot-ikot sa nagbabagang galit
Ng lipunan; niluto
Pinalutong ang balat, pinapula
Tinartar ng maluto sa pangungutya.
Inihayin, binuhusan ng sarsa
Ng katiwalian; kinain
Nilasap ng walang kamuwang-muwang
Na mga buwayang gahaman.
Sinimot, inubos; masarap daw ang sabi.
Oo dahil sanay kayong kumain
Ng kapwa- kapwa tao, at kapwa salot
Sa bayang kulang ang salop.