1834

Mga buwaya'y lahat lumuluha na
Umahon na sa ilog, nagpakilalang isa-isa
Itinabi muna ang pangil
Kabighabighaning ngiti ang sisingil.
Nagbihis tao pansamantala
Para maipakita sa masa,
"Ako ay tao rin hindi ako buwaya!"
Paulit-ulit lamang na propaganda
Pare-parehong mga salita.
Wala na bang bago 
Sa lipunang magulo
Wala na bang baho 
Sa pamayanang kay bango
Kailan pa mababago
Ang matagal ng panggagago.