Estudyante Reds!

Buksan mo ang bintana

At pakinggan ang aking wika.

Abutin mo ang papel

Na naglalaman ng aking mga salita.

"Patawad aking sinta,

Tinanghali lang ako kanina.

Dito lang ako sa labas

Ang pumasok sa loob

Ay hindi na pwede pa.

Pader ang namamagitan

Ngayon sa puso nating nagkukulitan.

Bintana ang humaharang

Sa ating mga titigan.

Wag kang mag-alala

Lahat ng itoy 'di na hadlang.

Parehas pa rin tayo ng mundong ginagalawan.

Iisa ang ating mga tinititigan.

Bintanang humaharang sa iyo,

Sa akin ay humaharang din.

Bago ako matapos ay iisa

Lamang ang mapatutunayan ko.

Mata mo at mata ko

Ang magtatagpo sa pagwawakas ko.

Tumingin ka ngayon sa bintana

At makikita mo ang nais kong patunayan."

Magkalayo man tayo

Iisang buwan ang gumagabay

Sa atin tuwing gabi.

Iisang araw ang nagniningning

Tuwing umaga.

At iisang puso ang nangungulila

Tuwing maiisip kita.